Aðalfundur félags sjálfstæðismanna í Grafarvogi

11.03.2019

 

Aðalfundur félags sjálfstæðismanna í Grafarvogi verður haldinn þriðjudaginn 19. mars kl. 18.00 í félagsheimili okkar að Hverafold 1-3, 2. hæð.

 

Á dagskrá verða venjuleg aðalfundarstörf. Gestur fundarins verður Valgerður Sigurðardóttir, borgarfulltrúi.

 


Til einföldunar á málefnum gjaldkera/prókúruhafa leggur stjórn félagsins til eftirfarandi lagabreytingar :

 

Lagt er til að 6. og 7. grein breytist sem hér segir :

 

Núverandi 6. grein :

 

6. grein

 

Málefni félagsins annast stjórn, félagsfundir og nefndir sem þessir aðilar kjósa sér til aðstoðar.

 

Greinin verði :

 

"6. grein Málefni félagsins annast stjórn, framkvæmdastjórn, félagsfundir og nefndir sem þessir aðilar kjósa sér til aðstoðar. „

 

Núverandi 7. Grein :

 

7. grein

 

Stjórn félagsins skal kosin á aðalfundi til eins árs í senn. Stjórnina skipa 15 aðalmenn að formanni meðtöldum, en hann skal kosinn sérstaklega. Að öðru leyti skiptir stjórnin sjálf með sér verkum. Stjórnin velur fulltrúa til setu í stjórn Varðar-Fulltrúaráðs. Á aðalfundi skal jafnframt kjósa 2 skoðunarmenn reikningsskila. Framboð til stjórnar og formanns skulu hafa borist stjórn félagsins eigi síðar en tveimur sólarhringum fyrir aðalfund.

 

Greinin verði :

 

7. grein Stjórn félagsins skal kosin á aðalfundi til eins árs í senn. Stjórnina skipa 15 aðalmenn að formanni meðtöldum, en hann skal kosinn sérstaklega. Stjórn skal kjósa sér varaformann, ritara og gjaldkera. Skulu formaður, varaformaður, ritari, gjaldkeri og einn stjórnarmaður valinn af stjórn mynda framkvæmdastjórn félagsins.

 

Framkvæmdastjórn félagsins annast daglegan rekstur félagsins og málefni varðandi prókúru og reikninga. " Að öðru leyti skiptir stjórnin sjálf með sér verkum. Á aðalfundi félagsins getur stjórnin óskað eftir umboði til að velja fulltrúa til setu í stjórn Varðar-Fulltrúaráðs. Á aðalfundi skal jafnframt kjósa 2 skoðunarmenn reikningsskila. Framboð til stjórnar og formanns skulu hafa borist stjórn félagsins eigi síðar en tveimur sólarhringum fyrir aðalfund.“

 

Lög félagsins má nálgast á vefsíðu félagsins www.grafarvogurinn.is -eða með því að smella hér.

 

Framboð til stjórnar og formanns skulu berast til stjórnar amk. tveim sólarhringum fyrir aðalfund á netfangið arnigud@outlook.com eða skuli@xd.is

 

Fh. stjórnar,

Árni Guðmundsson

.